Kunngi Qaanaami: Tikeqqilluni nuanneqaaq

Kong Frederik aamma dronning Mary, nunatsinni angalanertik aallarnerlugu ippassaq Qaanaamiipput.

Kunngip Qaanaaq immikkuullarittumik misigissuseqarfigivaa.

Kunngi 2000-mi Sirius patrulje-mut peqataasussaalluni qaammatit arlallit Qaanaamiippoq.

Ukiut 20-t qaangiupput kingullermik Qaanaamiikkami.

Kunngi Frederiup tikeqqinnini pillugu ilanngutassiortutsinnit apersorneqarami ima oqarpoq:

- Misigisaq nuanneqaaq. Ukiut 20-t qaangiupput tamaaniikkama, nuliara ilagalugu, kingullermik aamma ilaavoq. Ilisarnartorpassuupput, inunngortorpassuaqarsimavoq aamma. Illoqarfimmi inuit naapitat nuanneqaat , tikeqqinneralu attortisimaassutigaara

Tikeqqilluni ilisarnartoqaqaaq

- Kingumut takorloortakkat uanniipput, maanilu angerlarsimasutut misigiuartarpunga. Misigisarpassuaqarnikuuvunga tamaani, inunnik ilisarisaqarlungalu takummaasutut ippunga. Illoqarfik allangorsimanngilaq. Massakkullu aasaanerani inuit inuummarisseruttornerat nuanneqaaq.

Tikilluaqqusinermi kunngikkormiut oqalugiarfigitipput, timersortarfimmilu persuarsiorfiusumik kaffillerput.

Kong Frederik iperaammik tunissutissarsivoq. Dronning Mary iverutinik tunisippoq.

Kunngi tulluusimaaqaluni, oqaluttuarpoq:

- Kalaallit nunaannut tikinnera kammalaatit takoqqillugit, takusakkalu tamaasa toqqissisimanarput, nuannerput, tulluusimaarnaqalutillu.

Qaanaameereerlutik Aasiannut ingerlaqqipput, Kunngip angallataanut Dannebrog-mut ikipput.

Tassanngaanniit sineriak atuarlugu ilaatigut Qeqertarsuaq Sisimiullu tikissavaat.

Qeqertarsuarmi arpatsitsisoqassasoq Royal Run-mut assingusoq pilersaarutaavoq.