Thailandip ministeriunera ukiuni qulingiluani siuttooreerluni tunuartoq
Thailandip ministeriunera, Prayuth Chan-ocha, politikkimit tunuarpoq.
Sakkutuullu naalakkersuisunik ukiut qulingiluat matuma siorna uppititseriarluni nunami siuttunngortoq, marlunngormat taama nalunaaruteqarpoq. Siuttuugallaannarnissani ukiut qulingiluat matuma siorna neriorsuutigaa.
Taassuma partiianit sakkutuunit tapersersorneqartumit, Ruam Thai Sang Chartimit, inatsisartunut 500-nit ilaasortaaffigineqartartunut maajimi qinersinermi taamaallaat 36-t qinigaammata, tunuarnissamik nalunaaruteqarnissaa ilimagineqareerpoq.
Prayuth Chan-ochap nunami siuttutut atuunnera sakkutuut ukiut qulingiluat matuma siorna uppititsinerannit arlaleriarluni unammillerneqartarpoq.
Eqqartuussivitsigoortinneqartarnikuuvoq, tatiginninnginnermik taasisitsosaqartarnikuulluni akerliussutsimillu takutitsisoqartarnikuulluni. Prayuth Chan-ocha innuttaasunit taperserneqarnani ministeriunertut atuuffeqartoq, akerliusut isumaqarput.