Thailandimi illuatungiliuttut siuttuata qinersinermi ajugaanissartik ilimasaarutigigaa
42-nik ukiulik, Pita Limjaroenrat, Thailandimi ministeriuninngornissamut piareeersimavoq, naalakkersuisoqatigiiliornissarlu pillugu partiit illuatungiliuttut tallimat isumaqatigiinniarfiginialerlugit.
Taanna taama oqartoq, nutaarsiassaqartitsivik Reuters allappoq.
Pita Limjaroenratip partiia, Gå Fremad, Thailandimi illuatungiliuttut peqatigalugit Thailandimi inatsisartunut ippassaq sapaammi qinersinermi ajugaarujussuangaatsiarunarpoq.
Thailandimi partiit illuatungiliuttut qinersinermi siuariangaatsiarnissaat qinersisoqalernerani ilimagineqarpoq. Thailandip sakkutuuinut nunamik aqutsisuusunut taakkualu politikkikkut tapersersuisuinut akerliusorpassuaqarpoq.
Thailandimi qinersisoqarnissaanut atatillugu eqqoriaarnerit taamaasillutik eqqorluarput.
Thailandimi pissaanerup illuatungiliuttunut nuukkiartuaartinneqarnissaanik isumaqanngilaq.
Thailandimimi pissaanermik tigusisarnerit ukiuni kingullerni takussaapput, sakkutuullu pissaaneqarniaannaratarsinnaanerat ernummatigineqarsinnaavoq.
Thailandimi sakkutuut nunami tassani inatsisilioriaatsit pissaanermik 2014-imi tigusinermi kingorna allanngortissimavaat, namminermut iluaqutaasunik inatsisiliorsimallutik.
