Thailandimi inatsisartut atorunnaarsinneqarmata qinersisoqartussanngortoq
Thailandimi inatsisartunut maajip qaammataani qinersisoqasaaq, massakkullu ministeriunerusoq, Prayut Chan-o-cha, Thailandimi naalakkersuisunik 2014-imi uppititsilluni pissaanermik tigusisuusoq ministeriuinnarnissaminik misiliissaaq.
Taassuma Thailandimi inatsisartut ullumi ataasinngornermi atorunnnaarsippai.
Inatsisartut atorunnaarsinneqarnerisa kingorna ullut 45-t 60-illuunnit ingerlaneranni qinersisoqassaaq.
Maannakkut ministeriunerusoq, Chan-O Cha, Thailandimi sakkutuunit tapersersorneqarpoq. Taassuma unammillertigissavaa 36-nik ukiulik, Paetongtarn Shinawatra. Taanna ministeriunerusimasup milliardæriusullu, Thaksin Shinawatrap, panigaa.
Maanna ministeriunerusoq qinersisartunit nuannarineqanngilaq qinigaanissaalu ilimagineqarnani.
Maanna ministeriunerusup qinersisartut 15 procentiannik qinigaanissaa taassumalu unammillertaa, Paetongtarn Shinawatrap, qinersisartut 38 procentiannit qinigaanissaa ilimagineqartoq, qinersisartut isumasiorneqarneranni erserpoq.
Paetongtarn Shinawatra ministeriuninngussaguni qinigaalluartariaqarpoq.
Thailandimimi tunngaviusumik inatsit 2017-imi allanngortinneqarmat, Thailandimi sakkutuut pissaaneqarnerulersinneqarput.