TELE-POST 122 millionit koruuninik sinneqartooruteqartoq
Siulersuisut angusarissaarnertik atuisunut iluaqutissartaqassasoq neriorsuipput:
- Suliffeqarfiup ukiuni arlaqalersuni aalaakkaasumik pitsaasumillu angusaqartarnera iluarisimaartorujussuuarput. Suliffeqarfik piareersarsimavoq, aammalu attaveqaatit pitsanngorsarneqarnissaannik suliassamut angisuumut piareersimalluni, taamaaliornikkut Kalaallit Nunaanni amerlanerusut pitsaanerusumik attaveqaateqalersinnaaqqullugit.
- Suliniutit taakku inuiaqatigiit ineriartortinneqarnerannut annertuumik pingaaruteqassapput, siulersuisut siulittaasuat Stine Bosse allappoq.
AAMMA ATUARUK Pisiffik sinneqartoorutitigut angusaqarluartoq
Suliffeqarfik naapertorlugu mobiltelefonip internettillu ineriartortinnerata ingerlalluarneratigut angusani kaaviiaartitat amerlisimapput.
Aammattaaq ingerlatsinermut aningaasartuutit apparneratigut aningaasartuutikinnerulerput sulisullu ikinnerulerlutik.
Suliffeqarfissuup 2016-imi aningaasagissaarneratigut immap naqqatigut internettimut attaveqarfiit akimik appaavigineqarsinnaasimapput Tusass Plusilu pilersinneqarluni.
AAMMA ATUARUK Air Greenland sinneqartooruteqangaatsiartoq
TELE-POST-ip siulersuisui ataatsimeersuarnissaminni Namminersornerullutik Oqartussanut 82 millionit koruuninik tunniussisoqarnissaa innersuussutiginiarpaat. Taakku saniatigut TELE-POST 25 millionit koruuninik akileraarniarpoq.
