Pisiffik sinneqartoorutitigut angusaqarluartoq
Pisiffimmi siorna kaaviiaartinneqartut 1,2 milliardit koruuniupput inerneraalu erniat nalikilliliinerillu sioqqullugit aningaasat 69,3 millionit koruunit sinneqartoorutigineqartut. Ukioq 2015-mut sanilliullugu pitsanngoriaat 10 procentiulluni.
Pisiffiullu nunatsinnut pingaaruteqassusaa eqqummaariffigineqartoq, Pisiffiup tusagassiuutinut nalunaarummi allaaseraa:
- Kalaallit Nunaanni detailimi namminersortuni annersatut Pisiffimmi eqqumaffigilluinnarparput Kalaallit Nunaannut sutigut tunniussaqarnerluta. Ilaatigut aallartisartunik suleqateqarpugut aammalu ilinniarnermi atuarfeqarfinnut, siunnersuisarfinni, Pisiffik taama allappoq.
Pisiffiup Kalaallit Nunaanni inuiaqatigiinnut millardit affaat sinnerlugit siorna 2016-imi tapiissuteqarpoq, akileraarutitigut, akitsuutitigut, sulisunut akissarsiatigut assersuutigalugulu timersoqatigiinnut peqatigiiffinnullu aningaasaliissuteqarluni.