Titartakkani inuttaasutut atisalersorsimasut kamaattut
Takornariammi ima pilerngunneqartartigipput titartakkani inuttaasartut oqqatilertarlutik! Allaammi paasorsuanngortarlutik.
Kingullertut arnat marluk 40-nik 34-nillu ukiullit Andersinatut Minnie Mousetullu atisalersorsimasut politiinit tigusarineqarput, tassami aningaasat takornarianit kajumissaatitut tunniunneqartartut pillugit paasorsuanngoramik.
Ajornartorsiutillu tamakkuinnaanngillat. Titartakkanimi inuttat imaluunniit inuit taakkunatut atisalersorsimasut takornarianik arnanik attuualaarinnittartutut pasillerneqarput takornarianillu saassussisarneragaallutik.
Pisimasut ajornerpaat ilagaat, angut Spidermanitut atisalersorsimasoq politiimik paannittorsuanngormat.
Titartakkani inuttaasartut nakkutigineqarnerunissaat, Times Squaremi niuertut peqatigiiffiata maanna piumasaraa.
