Isiginnaartitsisartoq Donald Sutherland 88-nik ukioqarluni toquvoq

Ukiuni qulikkaani isiginnartitsisooreerluni, ajunngitsutut ajortutullu isiginnaagassiani inuttaasarluni, Donald Sutherland toqauvoq. 88-nik ukioqalerpoq. 

Ernera isiginnaartitsisartoq Kiefer Sutherland sisamanngormat unnukkut X-mi taama allappoq. 

-Ajoralurtumik Ataataga Donald Sutherland toqukkut qimaguppoq. Isiginnartitsisartuni tusaamasaalluartuuvoq, isumaqarpunga oqaluttuarisaanermi pingaarutilittut inissisimasoq. 

- Isiginnaagassiap imarisaanut ersinngisaannarpoq, nuannerpat, nuanninngippalluunniit, pinniippat, nuannarilluinnarpaa isiginnaartitsisuunini. Ernera Kiefer Sutherland allappoq. 

Donald Sutherland 1964-mi isiginnaartitsisuunini aallartippaa, filmini isiginnaagassianilu arlalippassuarni ukiuni 60-ni ilaasarpoq.

Nutaanerusuni Sutherland ilisimalluarneqaatigaa "The Hunger Games"-mi isiginnaartitsinermini, inuusuttunut isiginnaagassiami 2023-mi 87-nik ukioqarluni peqataaffigaa, taamatuttaaq "Miranda's Victim"-mi peqataalluni.

- Isiginnaartitsisartut Pensionertaput toqukkut qimagullutik. Toqunissara tikillugu suliuassaanga, atuagalliutinut The Hollywood-mut apersorneqarami oqarsimavoq.

Taamaattuarsimavorlu. 

Siulliit filmit ilaaffigisai "Det Beskidte Dusin", "Kellys helte", "M.A.S.H" aamma "Klute".

Donald Sutherland aamma qallunaanik suleqateqartarsimavoq.

1986-mi pingaarnertut inuttaavoq Henning Carlsens filmiliaani ”Oviri”, Paul Gaugin pillugu filmiliaq. Qallunaat isiginnaartitsisartut Sofie Gråbøl og Ghita Nørby suleqatigisimallugit.

Sutherland ingeniør-tut ilinniagaqartuuvoq, Toronto Canada-mi, kingornalu ilisimatusarfimmi drama aamma ilisimatusarfigisimallugu. 

Eqqumiitsuliortuunissani sinnattorinikuusimavaa, tamannalu iluatsinngimmat 22-nik ukioqarluni London-mut aallarpoq isiginnaartitsartunngorniarluni.

Tuluit nunanni filmit isiginnaagassiallu nangeqattaartut peqataaffigisalersimavai, Roger Moore nangeqattaartuliaani "The Saint"-mi aamma peqtaasivoq. Moore, ukiunik arfineq pingasunik utoqqaanerusoq aperisimavaa peqataanermini sulia producerinut allanut takutissinnaannginnerai, isiginnaagassianut anginerusunut suliartunut, peqataaffigerusutaminut.

Filmi "Det beskidte dusin", tassaasimavoq peqataaffigerusutaa, Roger Moorip Sutherland suliai pillugit oqaluttuarsimanera iluaqutaasimavoq.

Sutherlands "Det beskidte dusin" tusaamasaassutigilerpaa, kingornalu nakorsaq pilattaasoq Hawkeye Pierce tusaamaneqarluartumi Korea-p sorsunnera qiujasaarusiami "M.A.S.H."-mi peqataavoq. Tassanngaanniilli isiginnaartitsisuunera nalunngilluarneqalerpoq. 

Donald Sutherland isiginnaartitsisartuunermini Oscar-innannikuunngikkaluarpoq, marloriarlunili Golden Globe-mik nersornaaserneqarnikuuvoq, Emmy-nnannikuullunilu filminut "Citizen X" aamma "Path to War".