Takornariat Irlandimiut Illoqqortoormiuni politiinit oqaaqqissaarneqartut
juulip 31-at 2006 10:48
Illoqqortoormiuni takornariat irlandimiut marluk politiinit ippassaq oqaaqqissaarneqarsimapput.
Takornariat taakku marluk arfininngormat unnukkut aalakoorlutik umiatsiaaqqamik pullattakkamik angallatiminnut ikaarniartillutik imaanut nillertumut nakkarsimapput. Takornariat nukappissap nunamiit ikiorseriartorsimavai, qaqissimallugillu. Takornariap aappaa qiiavallaaqimmat napparsimmavimmi unnuisinneqarsimasoq politiit nalunaarput.
Illoqqortoormiuni qanittukkut nukappiaraq 13-inik ukiulik qaannamik nuussiniartilluni ipisoq nunaqqataasa suli aliasuutigaat.
