Takornariat amerleriarnerat Visit Greenlandimit nuannaarutigineqartoq
Takornariat 2017-imit 2018-imut 3,3 procentinik amerleriartut Naatsorsueqqissaartarfiup saqqummiuppaa. Takornariat ukiuni kingullerni pingasuni amerligaluttuinnarput, tamannalu Visit Greenlandimit nuannaarutigineqarpoq.
Allattoq Andreas Wille
- Takornarialerisut misigisassanik pitsaasunik tunniussassaqarneri, takornariat amerleriarnerannut peqqutaanerpaat ilagaat, taamaalilluni nunarput inunnut nunanit allaneersunut immikkuullarissutut isigineqarluni ornigarneqarusulerpoq. Visit Greenlandip pisortaanera Julia Pars tusagassiuutinut allappoq.
AAMMA ATUARUK Avannaata Kommunia takornariaqarnermut siunnersuisoqatigiinnik illoqarfinni pilersitsiniartoq
Nunarput takornariarfissatut atuagassiani nittartakkatigullu innersuunneqarlunilu allaaserineqartarpoq, amerlanertigullu pitsaanerpaat ilaanniittarluni.
Takornariat siunissami amerliartuinnarnissaat, Julia Parsip upperaa.
AAMMA ATUARUK Takornariartitsisartut peqatigiiffiata iluliarmiut takornarialerinermi suliassaqartinniasavaat