Takornariartaatit marlukkaartalernissaat innersuussutiginiarpaat
Siunnersuut Nunat Avannarliit Siunnersuisoqatigiivisa Avatangiisinut Ataatsimiititaliaanit, Kim Kielsenimit ilaasortaaffigineqartumit saqqummiunneqarpoq.
Naalagaaffit Peqatigiit imarsiornikkut suleqatigiiffiat IMO, Polar Kode-mik taaneqartoq, nutaanik malittarisassiornialerpoq naatsorsuutigineqarporlu angalatitseqatigiiffiit Issittumi angalaassagunik marlukkaartarnissaat kammaattuutigineqassasoq tamannali piumasaqaataasariaqaraluartoq Nunani Avannarlerni Siunnersuisoqatigiit isumaqarput.
Imaatigummi sillimaniarneq eqqarsaatigalugu oqaloqateqarnissaq Nunanut Avannaamioqatigiinnut pingaaruteqarpoq, Akitsinnguaq Olsen oqarpoq.
Inassuteqaatini Nunat Avannarliit Siunnersuisoqatigiivinit akuersissutigineqaqqammertuni, Issittumi imaatigut angallannikkut upalungaasimanissamut annertunerusumut kikkut akiliuteqassanersut oqallisigineqarnissaat aamma Siunnersuisoqatigiinnit anguniarneqarpoq.
Angalaqatitseqatigiiffiit akiligassap ilaanik akiliuteqartariaqarput tassami issittumi inuit inuusut amerlanngitsunnguit taama annertutigisoq nammassinnaassanngimmassuk.
Nunat Avannarliit siunnersuisoqatigiivisa ilanngullu kaammattuutigaat, Issittoq pillugu avannaamioqatigiit ataatsimoorussamik upalungaarsimanissaq pillugu suliaqartussamik pilersitsisoqassasoq, kiisalu ajutoornissamut pinaveersaartitsineq suleqatigiissutigineqartariaqartoq.
