Taekwon-dortartoq piginnaanilik angusarissaartoq

Inukkuluk G. Lennert Taekwon-dortartuuvoq piginnaanilik.

Inukkuluk G. Lennert 2012-imi qulingiluanik ukioqarluni qernertumik qitequtitaarnikuuvoq, taamaasilluni Nunatsinni qernertumik qitequtitaarnikuni ukiukinnersaalluni, Lena Reimer, Kalaallit Nunaanni Taekwon-dortattut Kattuffianni allatsi, ilisimatitsivoq.

Inukkuluk G. Lennert angusarissaaqqippoq. Tassami ippassaq pingasunngornermi unnukkut novembarip ulluisa qulingiluaanni misilitsereerluni 2.dan anguaa. Taamaalilluni Nunatsinni 2.dan-eqartuni ukiukinnerpaanngorluni. 

Senior Grandmaster Dr. Leong Wai Meng, Malaysiameersoq Nunatsinnut nuunneq, misilitsitsisuuvoq. 

Dan tassaavoq japanimiut paannilluni timersuutaanni qernertumik qitequteqalereersimasut anguniartagaat qaffasissoq. Danit 9-mut killeqarput. 

Inukkuluk arfinilinnik ukioqarluni Taekwon-Dortalerpoq. Piumassuseqarluariaramilu timersuummi tassani maannamut angusaqarluarpoq, Lena Reimer tusagassiuutinut allappoq. 

Inukkuluk 2014-imi Qeqqata Kommunianit piginnaasalittut nersornaaserneqarnikuuvoq. 


Assiliisoq: Johannes Reimer

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat