Kisitsineq naammassilerpoq: Siumut Inuit Ataqatigiillu qinigaatitaqalerput
Taasinerit tamakkingajallugit maanna kisinneqareerput.Siumumeersorlu Aki Mathilda Høegh Dam aamma Inuit Ataqatigiinneersoq Aaja Chemnitz Larsen maannamut siuttuupput.
Allattoq Christine Hyldal
Nutserisoq Simon Uldum
Danmarkimi Folketingimut qinersineq partiit talerperliusut amerlanerussuteqalernerannik inerneqarpoq.
Nunatsinnilu taasinerit affaasa missaat nal. 20.30 kisinneqareerput, Aki Mathilda Høegh Damillu (S) aamma Aaja Chemnitz Larsenip (IA) qinigaanissaat ilimanarsereerpoq.
Aki Mathilda Høegh Dam nalunaaqutaq aqqanermut 3089-init taaguunneqarpoq, piffissallu taamaalilerani Aaja Chemnitz Larsen siuttuuvoq 5200-init taaguunneqarluni. Nuummiinnaq 3000-init taaguunneqarpoq.
Nunatta Qitornaaneersoq Aleqa Hammond (NQ) aamma Demokraatineersoq Nivi Olsen tamarmik immikkut 1500-t missaannik taaguunneqarput.