Assi: Asmaa/Flickr Creative Commons

Syriap sakkussianik akoorutissartalinnik saassussisimanissaa USA-mit pasitsaanneqartoq

Syriami sakkutuut sakkussiat akoorutissartallit atorlugit Idlibimi peqqarniisaarnianut saassussimanissaat, USA-mit pasitsaanneqarpoq.

Tamanna USA-mi nunanut allanut tunngasunut ministereqarfiup nalunaarutaani marlunngornermi saqqummiunneqarpoq.

- Assadip sakkutuuisa sakkunik akoorutissalinnik saassusseqqissimanissaat ajoraluartumik takussutissaqarsinnaavoq,
Syriammi avannaata kitaatungaani maajip 19-ani toqunartumik ilaatigut klorinitalimmik saassussisoqarsimanissaa ilimagineqarpoq, nunanut allanut tunngasunut ministereqarfimmi oqaaseqartartoq taama nalunaaruteqarpoq.

Saassussisoqareersorlu Syriami præsident Bashar al-Assad kingunissai pillugit mianersoqquneqarpoq.

- Pisoq pillugu paasissutissanik katersivugut, aammaarluta Assadip naalakkersuisui sakkussianik akoorutissartalinnik atuinissamut mianersoqqussuteqarfigivarput, taama pisoqassappat USA iligisanilu naleqquttumik qisuariaateqassammata, Morgan Ortagus taamna oqapoq.

Sakkussiat akoorutissartallit 1925-imili inerteqqutigineqalerput, Syriamili naalakkersuisut nalunaarusiarineqartartut arlalllit naapertorlugit inerteqquteqarneq arlaleriarlugu unioqqutissimavaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat