Svend Junge killitseqaaq
Nuummi innuttaasut 600-t missaanniittut nanerualersuullutik Svend Jungep ajunngitsuliornerpassuinut qujaniarlutik ippassaq ingerlaaqatigiipput. Nanerussanik tigummilluni ingerlaaqatigiittut Svend Jungekkut illuata silataanut pigamik erinarsuut ukiarsiut killitsinnaqisoq, Ukiap Seqerna Pukkilisoq, erinarsorpaat, peqataasullugooq pinngitsoqaratik killitsisimasimaqaat. Sermitsiaq taama allappoq.
Qujaniarfigineqartoq Svend Junge aamma assorsuaq killitsissimavoq: - Qujanarujussuaq, tuppallerteqaassinga. Qaammatit marlussuinnaat inuuffissarileraluarlugit pisoq una nuannersoq kusanaqisorlu nuannaarlunga eqqarsaatigisarumaarpara, Svend Junge oqarpoq.
Svend Jungep Nuummut ilaatigut tunissutigisimasai tassaapput CT-scanneri Dronning Ingridip napparsimmavissuanut, meeqqat ornittagaat Mælkebøtten aningaasaleeqataaffigaa, minnerunngitsumillu eqqumiitsuliaaterpassuani katersugaasiviutinilu Nuup Kommuneanut tunniussimallugit.
