USA isumaqatigiissummik nutarterissagaanni peqaaatikkuminaassaaq
USA-mi politikki pillugu tusagassiuutimi Kongressen.comimi nunanut allanut tunngasunut aaqqissuisoq, Philip Christian Ulrich taama isumaqarpoq.
Illersornissamut isumaqatigiissutip 1951-imeersup isumaqatigiinniutigineqaqqinnissaa amerikamiullu Pituffimmi sakkutooqarfeqarnerannut akiliisarnissaat Naalakkersuisut piumasaraat.
Kissaatillu taakku pillugit nunanut allanut naalakkersuisup, Vittus Qujaukitsup Nunat Killiit Illersoqatigiiffiata qullersaanut Jens Stoltenbergiumut ilisimatitsissutigai.
AAMMA ATUARUK Qujaukitsoq præsenterer ønskeliste for NATO-chef
Donald Trumpilli USA-mi præsidentiunerani USA-mit isumaqatiginninniarusuttoqassanersoq takorlooruminaattoq, Phillip Christian Ulrich naliliivoq.
- Donald Trumpip USA-p siulliunneqarluni sullinneqarnissaanik sakkortuumik oqaasertalerlugu oqaatigeqattaartareerpaa. Amerikamiullu isumaqatiginninniaqqinnissaq eqqarsaatigalugu iluaqutissanik naammattoorsisinnaanngippata taava USA-mi naalakkersuisunngortussat isumaqatiginninniaqqinnissamik piumaffigiuminaassapput, Philip Christian Ulrich oqarpoq.
Nunat allat Nunat Killiit Illersoqatigiiffiannut tapersiinerunissaat piumasariniarlugu Donald Trumpip aamma oqaatigereerpaa. Tamannalu eqqarsaatigalugu amerikamiut Pituffimmiinnerminnut akiliinissaminnut piumassuseqarpallaarunnanngillat.
Amerikamiullu nunani allani sakkotooqarfeqarnerminnut akiliineq ajortut, Ulrich oqarpoq.
- Amerikamiut naliginnaasumik taamaaliorneq ajorput. Donald Trumpilu prlæsidentinngorpat akiliisalernissaminnut piumassuseqannginnerulissagunarput, Philip Christian Ulrich oqarpoq.
AAMMA ATUARUK Pituffimmik ilungersuuteqarneq iluatsinngilaq
Pituffilli pingaassusaa eqqarsaatigalugu amerikamiut immaqa akileerusussinnaasut, Philip Christian Ulrich isumaqarpoq.
- Pituffimmi sakkutooqarfik amerikamiut pilersaarusiorsinnaanerannut pingaassuseqartoq tamatumani oqaluuserineqarmat, akiliinissamik kajumissuseqalertitsisinnaasoq, Philip Christian Ulrich oqarpoq.
AAMMA ATUARUK Pituffik pillugu isumaqatigiissutip allanngortinneqarnissaa ilimananngilaq