Sungiusarnermi ataqatigiissaarisoq: Pilersaarutigineqartutut ingerlavoq
![](/sites/default/files/styles/image_934x467/public/article_images/dsc01254.jpg?itok=ic3uhN3Q)
- Suliniutit assigiinngitsut sungiusarnermut peqataasussat peqatigalugit pilersaarutigineqartut pimoorunneqarlutik pikkoriffigineqarlutillu naammassineqarput. Taamaammat sungiusarneq ataatsimut isigalugu neriuutigisatsitut ingerlanneqarpoq. Steen Balslev oqarpoq ilanngullugulu oqarluni umiarsuit marluk aportuusaartinneqarnerisa kingorna annaassiniaasuusaarnerup qanoq ingerlasimanerata ataatsimut naliliiffiginissaa suli siusippallaaraluartoq.
Steen Balslevilli sungiusarnerup ingerlanera maannamut naammaginartippaa.
- Sungiusarnermi peqataasut pimoorussillutik sulilluartut, sungiusarnerup aqutsisuinut ilaasutut maannamut misigaara. Peqataasut pisuusaartinneqartumut pimoorussinissaat, sungiusarnerup aqutsisuisa pingaartippaat, Steen Balslev oqaluttuarpoq.
Aamma atuaruk Upalungaarsimanermut siungiusarnermi qungujulasoqarpoq, ilumoorsaartoqarluni anniarpalullunilu anertikkartoqarpalulluni
Peqataaffigalugu nuannertoq
Nunatsinni aatsaat taamak annertutigisumik annaassiniarnermik avatanngiisinillu illersuiniarnermik sunngiusartoqarpoq, tamannalu Nuummi ingerlanneqarluni.
Sungiusarnermi illersornissaqarfimmit, upalungaarsimanissamillu aqutsisoqarfimmit, politiinit, Nunatsinnilu oqartussanit 350-init piareersarnermit naammassinissaasa tungaanut maajip 23-ianit juunip tallimaata tungaanut peqataaffigineqassaaq.
Sakkutooq Herninngiminngaanneersoq, Anette Berthelsen peqataasunut ilaavoq. Taassumalu Nuummut sungiusariaqataanini nuannaarutigaa
- Nuanneqaaq. Sila alianaattoq, inuit nuannersut, pinngortitaq kusanartoq, misigisaq nuannersoq, Anette Berthelsen oqarpoq.
Aamma atuaruk Upalungaarsimanermut sungiusarneq annertooq malinnaafigiuk
Piviusorpaluttariaqartoq
Ajoqusertuusaartut ikilersimasutut qalipannissaat Anette Berthelsenip suliassaraa. Ikilertuusaartitaasullu piviusorpaluttumik qalipaneqarnissaat pingaaruteqartoq, sakkutuup oqaatigaa.
- Ajoqusersimasunut ikiueqqaartussat ikiugassatik uusimanersut niuminnik taliminnilluunniit napisaqarsimanersut takusinnaanissaat ikilersimasumik ikiuinissamik misigisaqarnissaannut pingaaruteqarluinnarpoq, sungiusarnermut LiveX 2016-imut peqataasoq, Anette Berthelen oqarpoq.
Aamma atuaruk Nuup eqqaani umiarsuit marluk aportuusaartinneqassapput