Nakorsiarnissaminnut inniminniisimasut utaqqisariaqassapput
Peqqinnissaqarfimmi qarasaasialerinermi ullaaq manna ajornartorsiuteqartoqartoq, Jesper Olesenip, nunap immikkoortuani nakorsat pisortaata, KNR-imut ullaaq manna ilisimatitsissutigaa.
Allattoq Karsten Sommer, Mads Lynge
Journalit napparsimmavinni ullaaq manna iserfigineqarsinnaanngillat, kikkullu nakorsiarnissamut inniminniisimanersut aamma takuneqarsinnaanani. Jesper Olesen taama ilisimatitsivoq:
- Qarasaasiatsinnut ullaaq manna isersinnaanngilagut, peqqissaaveqarfinnullu nakorsiarnissaminnik inniminniisimasut napparsimmavinnut ornigullutik saaffiginninnissaat kaammattuutigaarput, Jesper Olesen oqarpoq.
Peqqinnissaqarfik ajornartorsiut pillugu paasissutissanik sukumiinerusunik ullup ingerlanerani paasissutissiisarumaarpoq.