Nutaarsiassaqartitsivik: Gassimik Ruslandimeersumik Europamut tunisisoqaqqilersinnaanissaa USA-p kissaatigigaa

Russit gassimik Europamut piaarnerpaamik pilersueqqilernissaat USA-p kissaatigaa, Ukrainelu aqqutigalugu gassimik Europamut pilersuisoqaqqilissalluni.

USA-mi, Europami Ukrainemilu atorfilittat atiminnik tunniusserusunngitsut USA-mi aviisimut The Wall Street Journalimut taama oqarput.

Ruslandip Ukrainellu sorsuunneranni nukissiuutinut atortunik ukiuunerani saassussisoqartannginnissaa pillugu sakkuaakkunnaarallarnissamik isumaqatigiissuteqarnissamut tamanna ilaatigut isumaqatigiinniutigineqarpoq. Atorfilittat taama oqarput.

Sakkuaakkunnaarallarnissamut siunnersuut taanna USA-p immikkut aallartitaasa Steve Witkoffip Jared Kushnerillu Ruslandip illoqarfiisa pingaarnersaannut Moskvamut, Ukrainellu illoqarfiisa pingaarnersaannut Kyivimut septembarimi tikeraarnerminni saqqummiukkaat aviisip allaaseraa.

Europap Ruslandimut pillaatitut iliuuserisai avaqqullugit gassimik Ruslandimit Europamut tunisisoqassappat amerikamiut akunnermiliussasut, atorfilittat isumaqatigiinniaqataasimasut, atiminnillu tunniusserusunngitsut oqaatigaat.

Ruslandip Ukraine 2022-mi februaarimi saassutilermaguli EU-p gassimik eqqussuinini annikinnerulersippaa, gassimillu Ruslandimit 2027-mi pisisarunnaavittoqartalernissaa pilersaarutaalluni.

Ritzau