Ilinniartut peqqinnartunik nerisaqartinnerisigut taamaatiinnartut ikilisinniarpaat
Suliniut "Nerisassat peqqinnartut" Campus Kujalliup suliniutigaa, ilinniartut peqqinnartunik nerisassiortarnissaat eqqarsaatersuutaalluni.
Nerisassioqatigiittarneq nereqatigiittarnerillu aqqutigalugit ilinniartut ilinniakkaminnik taamaatitsiinnartannginnissaat anguniagaavoq, ilinniartullu nerisassiornissamut atatillugu peqqinnarnerusunik nerisaqartarnissamut aamma siunnersuusiorsinnaapput, assigiinngiiartunillu nerisaqarnikkut peqqinarnerusumik nerisaqarnissaat aamma anguniagaalluni.
Aamma atuaruk Nerisassanik maangaannartitsisarneq Brugsenip annikillisarusukkaa
Suliniut Brugseni Qaqortup, Inuilip Campus Kujalliullu suleqatigiinnerisigut piviusunngortinneqarpoq, suliniullu unammisitsinermik naammassineqassalluni.
Nerisassiornermik ilitsersuutit pitsaanerpaat kollegiani ukiuunerani saqqummiunneqarnikut Inuili suleqatigalugu toqqarneqassapput. Nerisassiullaqqinnerpaaq kalaaliminernik sassaalliutigineqarsinnaasunik eqqugaqassaaq.