Sulisussat amigaatigineqartut aaqqiiviginisaanut suleqatigiittoqartariaqartoq

Sulisussaaleqisarnerup aaqqiiffigiineqarnissaanut sulimut attuumassuteqartut peqataatinneqartariaqartut Inuti Ataqatigiit isumaqarput, nunaqavissullu salliunneqartariaqartariaqartut, Demokraatit isumaqarput.
Assi © : KNR
Allattoq Jonas Fievé
novembarip 13-at 2018 09:48
Nutserisoq Bikki P. Kleist

Sulisitsisut ilaasortai 977-inik sulisussanik amigaateqarput. Tamanna HS Analysip misissuineranit erserpoq. Misissuisitsinerlu Sulisitsisunit suliakkiissutigineqarpoq.  

Avataanit tikisitsilluni sulisussarsiornissap pisariinnerulernissaa Sulisitsisut peqatigiiffiata kissaatigaa, tamannalu aaqqiissuteqarfigineqartariaqartoq Demokraatineersut isumaqarput- Nunaqavissut salliutillugit sulersittalernissaat aallaaviussaaq, kisianni inatsisitigut eqaallisaasoqartariaqarpoq, isumaqarpungalu tamanna Inatsisartuni inatsisinik aaqqinikkut suliarineqartariaqartoq, Randi Vestergaard Evaldsen oqarpoq. 

AAMMA ATUARUK Ilaasortatta sulisut 900-t sinnerlugit amigaatigaat

Partiit tamarmik akuliuttariaqartut

Sulisunillu amigaateqartoqarnera nunatsinni atugarissaarnissamut akimmequtaasinnaasoq tamannalu pillugu attuumassuteqartut peqatigalugit aaqqiiffigineqartariaqartoq, Inuit Ataqatigiinneersoq oqarpoq:

- Nunatsinni taamatut sulisussaaleqilersimaneq unammillernartuusoq atugarissaanitsinnullu pakkersimaarinnittuusoq isumaqarpugut, tamannalu inuussutissarsiortut, politikerit aamma SIK peqatigalugit piaartumik aaqqiisoqartariaqarpoq, Inuit Ataqatigiinneersoq, Múte Bourup Egede oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk