Suliniaqatigiiffik: Kamal Adwanip napparsimmaviani pissutsit saassussisoqarnerani aarlerinarsipput
Kamal Adwanip napparsimmaviani pissutsit Israelip Gazap avannaani saassussinerani aarlerinarsipput.
Nakorsat killeqarfeqaratik sulisut Palæstiinami immikkoortortaqarfianni aqutsisoq, Leo Cans, nutaarsiassaqartitsivimmut Al Jazeeramut taama oqarpoq.
Israelimiut sakkutuui Kamal Adwanip napparsimmaviani pakasaallutik misissuileruttortut, islamisiortut Hamasikkut Gazami peqqinnissaqarfimmik aqutsisuusut oqarput.
- Pisut mamiasuutigaavut, Cans oqarpoq.
- al-Shifap napparsimmavianisut pisut Gazami napparsimmavinni allani maanna pipput, taanna oqarpoq.
Gazami napparsimmaviit annersaat - Al-Shifap napparsimmavia - Israelip Gazamik saassussileqqaarnerata nalaani Israelip sakkutuuinit sakkortuumik iliuuseqarfigineqarpoq.
Kamal Adwanip napparsimmaviani pisut Israelip illersornissaqarfiata maannamut oqaaseqarfigisimanngilai.
Israelimiut sakkutuuisa Kamal Adwanip napparsimmavia ullualunni ungusimariarlugulu qaartartumeeriarlugu maanna saassukkaat, Gazap peqqinnissaqarfiata oqaaseqartartua nutaarsiassaqartitsivimmut AFP-mut oqarpoq.
Gazap avannarpasissuani napparsimmavik taamaallaat ataaseq uninngasuuteqarsinnaasoq, Naalagaaffiit Peqatigiit AFP naapertorlugu oqaatigaat.