WHO: Israelip ikiorsiissutissanut Gazami peqqumaasivinnik imaarinneqquaatigut

WHO ikiorsiissutissanut Gazap kujasissuani peqqumaasivinnik Israelimit imaarinnequneqarsimaneragaavoq, Israelimili oqartussat tamanna ilumuunnginnerarpaat.
Israelip illersornissaqarfiata qamutai sorsuutit arlallit Gazap kujasissuanut isaasut, isiginnittuusut nutaarsiassaqartitsivimmut AFP-mut ataasinngornermi ilisimatitsipput. Assi © : Said Khatib/AFP/Ritzau Scanpix
Allattoq Ritzau
decembarip 05-at 2023 09:18
Nutserisoq Mads Lynge

Ikiorsiissutissanut assigiinngitsunut Gazap kujasissuani peqqumaasiviit imaarneqarnissaat Israelip illersornissaqarfiata piumasarisimagaa, Naalagaaffiit Peqatigiit peqqissuunissaq pillugu suleqatigiiffiata WHO-p qullersaata Tedros Adhanom Ghebreyesusip inoqatinut attaveqaqatigiittarfikkut X-ikkut allaaseraa.

Ikiorsiissutissanut peqqumaasiviit Israelip Gazamik nunakkut saassussilinnginnerani pissasoq, WHO-p qullersaata X-ikkut oqaatigaa.

- Nakorsaatinut Gazap kujasissuani peqqumaasivitta akunnerit 24-t tulliuttut ingerlaneranni peerneqarnissaat Israelimi illersornissaqarfiup piumasarigaa WHO ullumi ilisimatinneqarpoq, Israelimi nunakkut saassussilerpat tamakku atorsinnaajunnaassasut WHO-p qullersaa oqarpoq.

- Piumasaqaatip taassuma utertinneqarnissaa kaammattuutigaarput, sakkutuujunngitsullu sapinngisamik illersorneqarnissaat kaammattuutigalugu, innuttaasunullu pingaarutillit soorlu napparsimmaviit aamma illersorneqartariaqarlutik.