Suliffeqarfiit pingasut suliffitsialanngorput

Kalaallit Nunaanni suliffiit pingasut ataatsikkut 2004-mi suliffitsialattut toqqarneqarput. Taamaalilluni Kalaallit Nunaanni Suliffigissaasut ukiut sisamassaat suliffitsialammik toqqaapput, tamatumuuna assigiinngitsut pingasut, tassa Nuummi Utoqqaat Illuat, Pinngortitaleriffik aamma Polar Raajat A/S.

Suliffitsialammik toqqaanermi tunngavigineqarput suliffimmi atukkatigut pitsaasumik ingerlalluartumik ingerlatsinikkullu maligassiuisumik takutitsisimanissaq. Toqqagaasullu suliffimmik pitsaanerusunngortitsisimaneq takutilluarsimagaat, Kalaallit Nunaanni Suliffigissaasut siulittaasuat, Ulla Lynge oqarpoq.

Naalakkersuisuni ilaasortaq Johan Lund Olsen toqqaanermut atatillugu oqarpoq suliffeqarfiit amerlasuut timikkut tarnikkullu suliffimmi atukkanik aallussilluarnermikkut maligassiuilluartut takunissaat qilanaarigini.

Suliffitsialannik nalileeqataasut tassaapput Suliffigissaasut, SIK, Sulisitsisut Peqatigiiffiat, Inuussutissarsiornermut Pisortaqarfik aamma Sullivinnik Nakkutilliisoqarfik.