Suliffeqarfiit amerlavallaat pinngortitaq eqqaavittut atorpaat
Inernerivaalu Kommuneqarfik Sermersuup Eqqaavilerineq pillugu Sullissiviata aningaasarpassuit piffissarlu annertooq nakkutiginninnermut atortaraat.
- Pinngortitamut maangaannaq igitat ilaatigut tassaasarput akkumulaatorit, batteriit, sannatit sarfatortut, qulliit takisuunik pæritallit, qalipaatit, uuliakut, koperinernut atortut, qarasaasiat allallu eqqakkat ulorianartut”, Kommuneqarfik Sermersuup Sanarfinermut Avatangiisinullu immikkoortortaqarfiani avantangiiseq pillugu teknikeri, Susanne Berglund oqarpoq.
Aamma atuaruk Imarpiit plastikkinik igitakunik ulikkaaraluttuinnarput
Pinngortitap avatangiisillu innuttaasunit illersorneqarnissaat assigalugu suliffeqarfiit aamma akisussaaffeqarput.
Eqqakkat ulorianartut inunnut uumasunullu ulorianarput
Uuliaarluernerit (ass. biilinit, maskinani allallu) pinngortitap nammineerluni nungutsissinnaanngisai, tassa bakteriat uuliamik arrortitsisinnaasut maani issittumi uumasinnaanngimmata, mingutsitsisuupput.
Akoorutissat ulorianartut uumasunut, aalisakkanut naasunullu pissapput, naatsinnut pisussat.
Aamma atuaruk Plastikkimik mingutsitsineq Issittup imartaanut siaruaattoq
Inuit uumasullu kinguaassiornerannut akornutaasinnaavoq aamma kræfteqarlersitsisinnaallutik.
Eqqakkat ulorianartut amerlanersaat attorneqartillutik timitta amiinik nungullaasarput, aalaasalu najuussorneranni tamanna inunnut uumasunullu ulorianarsinnaalluni. Taamaattumik tamakku meeqqat inugaannut inissinneqartussaapput imaluunniit kommunip eqqakkanik tigooraavianut ingerlaannaq tunniunneqartussaallutik, ersarissumik suunerinik allagartalerlugit.
Aamma atuaruk Plastikinik mingutsitsineq Sermersuarmut annguttarpoq
Nalornissuteqarnermi Kommuneqarfik Sermersooq attavigineqarsinnaavoq, oqarasuaammut 36 74 74-mut.