Kulturi

ASSIT & VIDEO Suiaqatiminoortut siullerpaallutik oqaluffimmi katittut

Laila Mølgaard arnaataalu Henriette Simonsen katissinnaanissartik sivisuumik utaqqisimavaat. Ullumilu guutip takkuani imminnut angerput.

Allattoq Camilla Dam

apriilip 01-at 2016 13:24

Nutserisoq Marie-Kathrine Barlaj Lyberth

2013-imi assammiortaarput, suiaqatiminoortut oqaluffimmi ullumikkumut katissiinnaasimanngillat.

Inatsit suiaqatiminoortut katissinnaanerminnut pisinnaatitsisoq allatulli sivisuumik utaqqineqarsimavoq.

Suiaqatiminoortut oqaluffimmi katissinaalernissaannut Inatsisartut Maajip 26-iani siorna tamarmiusumik isumaqatigiissutigaat.

- Nuliaqarpunga massakkut, nuannareqaaralu atuutilermallu assut tulluusimaarutigalugu.

- Takorluugara piviusunngoriataarnera upperiuminaappoq, Henriette, Mølgaard Simonsenimik kinguliaqalernikoq KNR-imut oqarpoq.

Aamma atuaruk AKUERINEQARPOQ Suiaqatiminoortut oqaluffimmi katissinnaalerput meeqqallu annersarneqaqqusaajunnaarput

Aamma atuaruk VIDEO Arnaannaallutik aappariit oqaluffimmi katinnissaminnut qilanaartut

Inatsit ilaqutariinnermut inatsisinut ataatsimoortunut Danmarkip suli akisussaaffiimmat, oqaluffiup suiaqatiminoortut katitissinngaannineranni folketingip inatsit suliareqqaarpaat. Atuutilernissaannut siorna ukiakkut kinguartinneqarpoq. Inatsillu ukioq manna januaarip 19-ani aatsaat suliarineqarluni, Folketingimilu akuerineqarluni ullumikkumiit atuutilertussanngortillugu.

Aamma atuaruk Suiaqatiminoortartut katissinnaanissaannut inatsisip atuutilernissaa kinguaqqittoq

Taammaammat palasip, Aviaja Rohmann Pedersenip, Laila Mølgaard Henriette Simonsenilu Hans Egedep Oqaluffiani katitissallugit ullumi nalunaaqutaq qulinut nuannaarutigaa. Kalaallisooqarlutik kusanartunik oqaluffimmut iserput imminullu angerlutik ilaqutaasut, ikinngutit, suleqataasut, inatsisinut atuutisinermut Naalakkersuisorlu Mala Høy Kúko peqataapput.

Laila Henriette Mølgaard Simonsenilu suiaqatiminoortut siullersaallutik kalaallit oqaluffiani katipput.