VIDEO Arnaannaallutik aappariit oqaluffimmi katinnissaminnut qilanaartut

Laila Mølgaard Christensen aappanilu, suiaaqqatiminnik aappaqartartut oqaluffimmi katissinnaanngornissaannut inatsisininnissaanut qilanaarput. Aappariit maanna ajornaquteqanngitsumik kommunimi katissinnaapput, kisiannili Laila aappanilu oqaluffimmi allatuulli katikkusupput.

Allattoq Nûno Isbosethsen

maajip 20-at 2015 13:00

- Allatuulli oqaluffimmi immikkoortinneqartutut misiginata katikkusuppugut, Laila Mølgaard Christensen oqarpoq.

Inatsisartut sapaatip akunnerata tulliani aaliangiivigissavaat, suiaaqqatiminnik aappaqartartut allatuulli oqaluffinni katissinnaanngussanersut. Inatsisartuni aaliangiivigineqareerpat inatsisissaq atuutilinnginnerani folketinngimi akuerineqaqqaasaaq. Inatsisissaq qaqugu akuerineqarnissaa suli nalunarmat, Laila Mølgaard Christensen aappanilu qaqugu oqaluffimmi katissinnaannissaat suli nalunarpoq.

Aamma atuaruk Angutaanikuuvunga maannali arnaavunga

Laila aappanilu Henriette juunip aallaqqaataani 2013-imi assammiortaarput, taamaasillutillu katinnissaminnut piareersalereerlutik.

- Isumaqatigiinnikuuvugut katikkutta kalaallisoorniarluta, qanorli kinguliaqalissanersugut suli aaliangiunnikuunngilarput, aappariit ullaakorsiutigalutit taama oqarput.

Aamma atuaruk Sexologi - suiaqatinoortuuneq pillugu ilinniartitsisoqarli

Nutaarsiassami kukkunermik nassaarsimaguit uunga allaffigineqarsinnaavugut.