Suiaqaatiminoortumik ministeriuneqarnissamut naagga
Jenis av Rana Savalimmiuni nunanut allanut tunngasunut ministeriuvoq. Taassuma Søren Pape De Konservativeneersoq ministeriunertut toqqarusunngilaa.
Jenis av Rana Danmarkimi partiit talerperliit naalakkersuisoqatigiiliorsinnaanissaannut tapersersuisuugaluarpoq. Taassumali Søren Pape suiaaqatiminoortuunera ajornartorsiutigaa.
Savalimmiuni tusagassiorfik Sosialurin taama allaaserisaqarpoq.
Folketingimut Savalimmiuni qinigassanngortittut raatiukkut ullumi oqallitsinneqarneranni Jenis av Rana taama ilaatigut oqarpoq.
- Naagga, Søren Pape Poulsen toqqarnavianngilara, Savalimmiormiut nunanut allanut tunngasunut ministeria Jenis av Rana oqarpoq.
AAMMA ATUARUK Partier raser over Søren Pape: Respektløs og helt uacceptabelt
Savalimmiuni nunanut allanut tunngasunut ministerip oqaatsimi ima itisilerpaa:
- Suiaqatiminoortutut inuuneqarneq uanga nammineq tunngaviusumik isummannnut assortuuppoq, partii sinniisuuffigisara tunngaviusumik aamma taama isumaqarpoq, Savalimmiullu tunngaviusumik aamma taama isumaqarpoq, Jenis av Rana Savalimmiuni raatiumut oqarpoq.
Savalimmiormiut nunanut allanut tunngasunut ministeriat kristumiut partiianni Miðflokkurinimi siulittaasuuvoq.