Sudanimi Darfurimi saassussisoqarmat inuit 39-t toqutaasut

Sudanimi nunap immikkoortuani Darfurimi marlunngornermi saassussisoqarmat inuit 39-t toqutaapput.

Toqutaasut amerlanersaat tassaapput arnat meeqqallu, angerlarsimaffii saassunneqarmata.

Sudanimi nunap immikkoortuani Darfurimi eqqissiviilliorfioqisumi illoqarfimmi Nyalami saassussisoqartoq, takunnittut nakorsallu upalungaarsimatitat ilisimatitsipput.

Inuit 50.000-t Nyalamiit aggustip ulluisa aqqarnannit maannamut qimaasimasut, Naalagaaffiit Peqatigiit oqaatigaat.

Inuit katillugit 5 millionit Sudanimi sorsunnermit qimaasimapput. Naalagaaffiup sakkutuuisa pikitsitsisullu akornanni sakkuaattoqarpoq.

Sakkutuut naalagaata, Abdel Fattah al-Burhanip, sakkutuuisa, pikitsitsisullu naalagaata, Mohamed Hamdan Daglop, sakkutuuisa akornanni apriilip ulluisa 15-ianniilli sorsuttoqarpoq.

Sudanimi kisermaassilluni aqutsisoqarunnaarluni qinikkanik aqutsisoqalernissaatut isikkoqaleraluartorlu sorsuttoqalerpoq.