FN: Sudanimiit qimarrattut sapaatip akunnerata ingerlanerinnaani marloriaatinngorsimapput
Sudanimiit qimarrattut sapaatip akunnerata ingerlanerinnaani marloriaatinngorsimapput. Afrikap ilaani Sudanimi apriilip 15-ianili sakkulersorluni akersuuttoqarnerata kingunerisaanik inuit 700.000-t missaanniittut maanna qimaasutut nalunaarsorneqarsimalerput
- Marlunngormat kingullermik qimaasut 340.000-ugaluarput, Naalagaaffiit Peqatigiit qimaasut pillugit qullersaqarfiata (IOM) oqaaseqartartua oqarpoq.
Inuit 70.000-t nunami najukkaminniit qimaasutut maanna allassimasuutigineqarput, taakkuli suli Sudanip iluaniittut erseqqissaatigineqarpoq.
Taakku nunamut sanilerisaminnut qimarrapput, najukkaminnimi sorsuttoqarnera peqqutaalluni imeerullutillu nerisassaarupput aammalu nakorsaatissaqaratillu kallerup inneqanngillat.
Taakkumi nunaanni sakkutuut aammalu sakkutuujunatik sakkulersortut RSF-nik taaguutillit akersuuttuarsinnarput, maannamut inuit 100-likkaat inuunerannik naleqartumik.
