Stoltenberg Nato-p ataatsimeereernerata kingorna: Aaqqiiagiinngeqatigiinneq sakkukillisariaqarpoq

Kangia Qiterlermi eqqissiviilliornerit qaangerniaqartariaqartut naalagaaffiit iligiivi atatsimiigasuartinneqareersullu Natomi generalsekretæri, Jens Stoltenberg oqarpoq.     
- Irakimi isumannaallisaanermi inissisimaneq pissutigalugu suliat tamaasa unitsippagut, Stoltenberg oqarpoq. Assi © : Francois Lenoir/Reuters/Ritzau Scanpix
Allattoq Ritzau
januaarip 06-at 2020 17:22

Iranip kamassarnini sakkukillisariaqaraa, illuatungeriillu tamaasa tunuarsimaartariaqartut taanna isumaqarpoq.

Stoltenbergip oqarnera naapertorlugu, Nato-p naalagaaffiata Irakimi sakkutuunut sungiusaanini atorunnaarsikkallarpaa.

Taassuma ilanngullugu oqaatigaa nunap akuerereerpagu aatsaat sakkutooqaqqilisaaq.

- Irakimi isumannaallisaanermi inissisimaneq pissutigalugu suliat tamaasa unitsippagut, Stoltenberg oqarpoq erseqqissaatigalugulu nunat Natomi ilaasortaasut ataatsimiinnerminni Irakimi illersuisoqatigiiffiup IS-imut akiuunnera tamakkiisumik tapersersorlugu.

Natomi siuttup ukiaanerani Iraki tikeraarpaa, tassani Natop nunallu ministeriunerata Amerikami naalakkersuisooqatigiit naalagaaffiup sakkutuuinut pingaartitsinissartik isumaqatigiissutigaat.

- Uatsinnut Irakimullu pingaaruteqarpoq . Peqqarniisaarnianut akiuuttussatut nunallu tamalaat akornanni peqqarniisaarniartartunut sorsuttussatut sungiusarneqartarnerat, nunatsinnut toqqissimatitsisarpoq, generalsekretæri oqarpoq.

Taassuma ilanngullugu erseqqissaatigaa Iranimut atomimik qaartitsisoqannginnissaa Natomit isumaqatigiissutigineqarmat.

Iranimi sakkutuut naalagaat Qassen Soleimani sooq USA-mit saassunneqarnersoq Natop ataatsimiinneranni ilanngullugu nassuiaatigineqarpoq sooq saassussisoqarsimanersoq.

Qassem Soleimani Amerikamiut Bagdadimi dronemik januaarip pingajuanni qaartartumeerineratigut toqutaavoq.

Iran Irakilu pillugit Nato ataatsimiigasuartitsioqareersoq, Stoltenberg aalajangiuppoq.

- Iranip peqqaarnisaarniarluni siorasaarineri Natomit assuaraagut.

/ritzau/Reuters