Politikki

NALUNAARUSIAQ Kalaallit Nunaat pillugu ilinniartitsisarnerup sukateriffigineqarnissaa siunnersuutigineqarpoq

Meeqqat atuarfianni Kalaallit Nunaat naalagaaffeqatigiinnerlu pillugit meeqqat inuusuttullu annertunerusumik piumaffigineqartariaqarput. Inuit pisinnaatitaaffii pillugit ilisimatusarfik taama piumasaqarpoq. Folketingimili partiit annersaat isumaqataanngilaq.

Allattoq Helle Nørrelund Sørensen

oktobarip 29-at 2015 04:00

Nutserisoq Erna Lynge

Kalaallit ilaasa danskiniit isummiuteriikkat tunngavigalugit pineqartarnerat Kalaallit Nunaat pillugu ilisimasakinnermik peqquteqartarpoq. Danmarkimi Inuit pisinnaatitaaffii pillugit ilisimatusarfik taama naliliivoq.

Taamaattumik meeqqat atuarfiat allanngueqataasariaqarpoq.

- Isumaqarpugut meeqqat atuarfianni anguniagassanik allannguisoqartoqartariaqartoq, meeqqammi atuarfiat Danmarkimi inuusunik tamanik tunngaviusumik ilisimasassanik qulakkeerivissaqqittuummat.

Aamma atuaruk Danskit politikerit akuunerulersitsiniarnermut isuma akerleraat

Inuit pisinnaatitaaffii pillugit ilisimatusarfimmi naligiimmik atugaqarnissamut immikkoortortami pisortaq Maria Ventegodt Liisberg oqarpoq.

Folketingi 2013-imi 600.000 koruunit sinnerlugit aningaasaliivoq Kalaallit Nunaat Savalimmiut naalagaaffeqatigiinnerlu pillugit ilinniutinik sananissamut.

Atuarfiilli ilinniartitsisullu ataasiakkaat danskit meerartaannut qanoq annertutigisumik sorpiaallu sammitinneqarnissaat namminneq aalajangersinnaavaat.

Aamma atuaruk Kalaallit danskit kommuuniini peqataalersitsinissamut siunnersuisoqatigeeqalertariaqarput

Inuit piginnaatitaaffii pillugit ilisimatusarfik taamaattumik isumaqarpoq inatsisiliornikkut tamanna allanngortittariaqartoq.

- Pingaaruteqartupilussuuvoq Kalaallit Nunaata Danmarkillu akornanni qilerutit danskinut ataatsimut tunngaviliutissallugit. Taamaattumik isumaqarpugut Kalaallit Nunaat kalaallillu pillugit Danmarkimi ilisimasaqarnerulernissaat pingaaruteqartoq.

Aamma atuaruk Danmarkimi kommuunit siunnersuisoqatigiivini kalaallit peqataalik

Inuit piginnaatitaaffii pillugit ilisimatusarfimmeersoq Maria Ventegodt Liisberg taama oqarpoq.

Unnersuussut Ilinniartitaanermut ministereqarfimmut ingerlateqqinneqarsimavoq.

Socialdemokratilli isumaqarput allanguisoqartoqartariaqanngitsoq.

Aamma atuaruk Kalaallinik Danmarkimiittunik assigiinngisitsisoqarpoq

Aamma atuaruk Qallunaat meerartaat Nunarput pillugu ilisimasaqarnerulertariaqarput

Nutaarsiassami kukkunermik nassaarsimaguit uunga allaffigineqarsinnaavugut.