Qallunaat meerartaat Nunarput pillugu ilisimasaqarnerulertariaqarput

Kalaallit Illuutaat København-imiittoq, qallunaat nunaanni meeqqat atuarfianni, nutaanik ilinniartitsissutissanik piareersaaleruttorput.

Ukioq ataaseq affarlu Kalaallit illuutaata København-imiittup,

Kalaallit Nunaat pillugu qallunaat meeqqat atuarfiini ilinniartitsissutaasa nuttarterneqarnissaannut, aningaasaliiffingineqarnissaa suliniutigisimavaat.

Maannalu Ilinniartitaanermut minister-eqarfiup Tips og Lottomidler-it atorlugit 640.000 kr.-nik aningaasaliiffigineqarput.

Taakkulu aningaasat atorlugit suliaq aallartissinnaangorpoq.

-Taamatut ilinniartitaanermut minister-eqarfimmiit aningaasaliiffingineqarnitta uppernarsarpaa, suliniutitta akuerineqarsimanera, aammalu qallunaat atuarfeqarfiini amingaataasimaneri, suliniutip aqutsisua Mille Schiermacher oqarpoq.

Namminersorlutik aningaasaateqarfinningaanniit aningaasaliissutit ilanngullugit katikkaanni, aningaasaliissutik katersorneqartut katillungit

1 mil kr. sinnerpaat.

Qallunaajaqqat Kalaallit Nunaannut ilisimasakinnerat annertuallaarmat, Kalaallit Illuutaata suliniut aallartissallungu siunniussimavaat.

Mille Schiermacher-ip erseqqissarpaa ajornartorsiut, ilinniartitsisut nunarput pillungu ilinniartitserusunnginnerannut tungassuteqangimmat.

-Malugisinnaavarput, nunarput nalitsinnut tulluartumik assigiingiisitaartumillu ilikkagaqarfingerusuttaraluaraat, atortusalli amigaatingineqartarlutik.

Kalaallit Illutaanni suleqatigiiaat suliniut piareersassavaat, qallunaat nunaannilu meeqqat atuarfianni akullerni atuartunut tulluarsassallugu, aammali nunatsinni meeqqat mikinerit ilinniutigisinnaassavaat.

Atortussat katersorneqartut ”Kalaallit Nunaat nutaaliaq”- mik taajuuteqassapput. Tassanilu ullutsinni pissutsinut tulluarsakkat sammineqarsinnaassallutik, soorlu : Aalisarneq, Aatsitassalerineq aammalu nunap iluani angallannermi periarfissat.

Kalaallit Illutaata ilinniartunut kiffartuussiviani, internettikkut kikkunnilluunniit takuneqarsinnaassapput.

Kalaallit Illuutaaniit aappaangu aasakkut atuakkap naammassineqarnissaa naatsorsuutigineqarpoq.

Ilinniartitaanermut ministereqarfiup Tips- og Lottomidler, Danske Spil-ip sinneqartoorutaasa ilaannik aningaasalersorneqartuuvoq, aningaasallu taakku ilinniartitaanermut tungasunut aningaasaliissutigineqartarlutik.

Ukioq manna suliniutit 92-it, 29 mio.kr-inik aningaasaateqarfimmiit aningaasaliiffingineqareerput.