Ritzau Nunanit allanit

Spaniami socialistit inatsisartuni qinersinermi ajugaapput amerlanerussuteqalernatilli

Spaniami partii naalakkersuisuutitaqartoq socialistit PSOE, Spaniami ministeriuneq Pedro Sanchez siuttoralugu, Spaniami inatsisartunut ippassaq sapaammi qinersisoqarnerani ajugaavoq, naalakkersuisuutitaqarsinnaanissanili qulakkiinngilaa, amerlanerussuteqalinnginnamimi.
Assi © : Luis Javier Modino Martínez [CC BY 2.0 (https://creativecommons.org/licenses/by/2.0)]
Allattoq Ritzau
apriilip 29-at 2019 07:22
Nutserisoq Mads Lynge

Spaniami politikkikkut pissutsit allannguuteqalaarput, partiilu talerperlerneersoq nunagisamik pingaartitsisorujussuaq Vox ilaasortaatitaqalerluni.

Spaniami politikkikkut suli aaqqiagiinngissuteqarallartoqarnissaa ilimagineqarpoq.

Spaniami inatsisartuni inissat 350-iupput, socialistillu taakkunannga 123-nik qinigaatitaqarput. Socialistillu naalakkersuisuutitaqaqqilissappata partiinik ilaatigut isorininnittunik illuatungiliuttunilluunniit suleqateqartariaqassagunarlutik.

AAMMA ATUARUK Inatsisartunut sapaatiuppat qinersineq naligiiffiussasoq

Cataloniap Spaniamit avissaarluni 2017-imi namminiilivittunngorniarnerata kingorna politikkikkut pissutsit pitsaavallaanngillat, taamatullu iinnarallarnissaa ilimagineqarluni.

Spaniami ministeriunerusimasoq Mariano Rajoy, tatiginnikkuunnaarnernik takutitsivigineqarnerata kingorna Pedro Sanchez siorna juunimi ministeriuninngorpoq.

Konservatiivit qinersinermi ajorsarput, maannamut 137-nik ilaasortaatitaqariarlutik 66-iinnarnik maanna qinigaatitaqaramik.

Aamma atuaruk

Ritzau

Gazami peqqinnissamik suliaqartut toqungasut timaannik 200-nik napparsimmavimmi nassaartut

Ritzau

EU-p nalunaarusiaa: Silapiluttarnerujussua ilaasortatsinnut 100 milliardit koruunit missaannik siorna naleqarpoq

Ritzau

Ukrainemut ikiorsiissutissat immikkuullarilluinnartut akuerineqarput