Spania: Inatsisartunut sapaatiuppat qinersineq naligiiffiussasoq

Spaniamiut aqagu qinersinissaat ukiuni qulikkaani aatsaat taama naligiiffiutigilerpasippoq. Isumasiuinerit naapertorlugit, partiit arlaannaalluunniit amerlanerussuteqartunit taaguunneqarnavianngillat.
Spaniami inatsisartut, Spaniamiut aqagu qinersinissaat ukiuni qulikkaani aatsaat taama naligiiffiutigilerpasippoq. Isumasiuinerit naapertorlugit, partiit arlaannaalluunniit amerlanerussuteqartunit taaguunneqarnavianngillat. Asseq toqqorsivimmit Assi © : EFE/Manuel H. de León/Flickr Creative Commons
Allattoq Ritzau
apriilip 27-at 2019 17:34
Nutserisoq Ivik Kristiansen

Taamaattoq qineqqusaartuni siuttut tallimat nunap naalakkersuisussaanniinnissaminnut periarfissaqartussaarpasittut, Reuters allappoq.

Spaniamiut ukiut sisamat ingerlanerini pingajussaat inatsisartunut qinersissapput.

Maannalu qineqqusaarneq sakkortusimavoq.

Radiokkut, tv-kkut, inuit internettikkut attaveqaqatigiittarfiitigut qinersisartunillu ataatsimiititsinerni qineqqusaartoqartillugu ilaatigut killuussisuuneraasoqartarpoq fascistiuneraasartoqartarlunilu.

Partiip qanganisalerisup PP-p siuttua Pablo Casado, qinersinissaq nalunaarutigineqaqqammersoq uissuummissutigineqartumik oqalugiarpoq.

Casado misisteriunertut tunuartussaasumut, Pedro Sanchezimut kamassaarerpalaartumik 20-nit ikinnerunngitsunik oqaaseqarpoq, ilaatigut tarnimikkut napparsimaatigaluni sallutoorsuaanerarlugu imminuinnarlu iluaquserniarsarisartuunerarlugu.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq