Soraarsinneqartussat 13-it kalerrinneqarput
Nukissiorfimmi sulisut soraarsitassat tusarnissartik qaammatip missaanni utaqqereeraallu, soraarsinneqartussat 13-it ippassaq kalerrinneqarput.
Nukissiorfiit Nuummi qullersaqarfianni sulisut ikilisaaffigineqarnissaat juulip 20-ani tusarliunneqarpoq. Tusarliussinerup kingorna sulisut tusarniaaffigineqarlutik.
- Tusarniaanitta nalaani sulisut oqaaseqaatiminnik tunniussipput, taamaakkaluartorli aalajangernerput allanngortinngilarput, Nukissiorfiit pisortaat, Svend Hardenberg, oqarpoq.
Sulisut oqaaseqaataat Svend Hardenbergip oqaaseqarfigerusunngilaa, oqarlunili sulisut inuttut misilittakkatik naapertorlugit, aalajangersimasunik siunnersuuteqarsimasut.
Nukissiorfiit qullersaqarfiani sulisut soraartaasussaanngitsut siunissami pisussat pillugit sapaatip akunnerani tullermi paasitinneqassapput.
Sulisut ikilisarneqarnerisigut kiassarnermut akit qaffanngitsoortussaasut, Svend Hardenberg erseqqissaavoq.
