Inuit Ataqatigiit: Sooq taava Demokraatit naalakkersuisooqataanissaq naaggaarpaat?
- Nutaarsiassaajunnaarpoq Naalakkersuisut inatsisissatut siunnersuusiaat pillugit Demokraatit sakkortuumik naammagittaalliuteqartarnerat. Tusagassiorfitsigut nalunaartarput Naalakkersuisut inatsisissaq allanngortinngippassuk suleqatigiinneq atorunnaassallugu sioorasaaralutik. Sooq taava Demokraatit Naalakkersuisoqarfimmik akisussaaffimmik tigusillutik suleqataasinnaanngillat, Inuit Ataqatigiit siulittaasuata tullia Aqqaluaq B. Egede, tusagassiutinut nalunaarummi ilaatigut aperivoq.
Demokraatut naalakkersuisoqarfinnik tigusillutik sulianik ilusilersueqataanissaminnut periarfissaqarsimasut, Aqqaluaq B. Egedep oqaatigaa:
AAMMA ATUARUK Savner flere bud på handling i Kielsens nytårstale
- Illuatungiliuttuunitsinni naalakkersuilluartoqarnissaanik akisussaaffimmik aamma tigummiarpugut. Uanili tamanna pinngimmat illuatungiliuttutut kaammattuutigisarput tassaavoq naalakkersuisooqatigiit suleqataasalu tusagassiorfitsigut oqqanneq aqqutiginagu, piumasalluunniit pineqanngikkunik qinersisoqartariaqarneranik oqalunneq atornagu, suleqatigiinnerluunniit isanissaanik oqalunnani suleqatigiinnermik inerititaqarfiusumik pilersitsisariaqarput. Aamma tamanna pisariaqartarmat naalakkersuisoqatigiinni suleqataagaanniluunniit, Inuit Ataqatigiinni siulittaasup tullia Aqqaluaq B. Egede Mads Lyngemit apersorneqarluni taama oqarpoq.