IA-p siulittaasuata inuiaqatigiinni atugarissaarnissamut aaqqiissutissat maqaasigai

Naalakkersuisut siulittaasuata Kim Kielsenip ukiortaami oqalugiaataani isumaginninnikkut tunngasut aallarniutigalugit saqqummiuppai.

Meeqqat ilaqutariillu atugarisaannik suli pitsanngorsaasoqarlunilu Meeqqat Ukiuat ingerlaqqissasasoq, naalakkersuisut siulittaasuata oqaatigaa.

Kim Kielsenillu ukiortaami oqalugiaataa Inuit Ataqatigiinni siulittaasup Múte Bourup Egedep iluarisimaarpaa.

- Inuit Ataqatigiinninngaanniit iluarisimaarparput Naalakkersuisut siulittaasuata isumaginninnikkut unammillernartut atukkagut aammalu meeqqat atugaasa pitsanngorsarnissaannut oqalugiaammini annertuumik sammisaqarnera aammalu pisariaqarluinnaqqeqqissaarpoq tassani aaqqiissutissaqassagutta inuiaqatigiinni atugarissaarnitta pingaartumik isertitakinnernut akunnattumillu isertitalinnut pitsanngorsaaviginissaa.

Isumaginninneq meeqqallu ataatsimoorfiussasut

Kim Kielsenip oqalugiarnermini isumaginninnikkut tunngasut aallarniutigivai. Tassa ilaqutariinnut politikki eqqartorpaa qanoq isumaqarfigaajuk?

- Tassa alloriarnerit pitsaasutut taasinnaavagut aamma Inatsisartuni namminerlu uagut siunnersuuteqartarnitsinni aamma suleqataaffigisarpagut taakkualu tunuliaqutsiiffigissallugit. Ukua isumaginninnermi unammilligassat aammalu meeqqat atugaannut tunngasut ataatsimoorfigivissortariaqarpagut pitsaanerpaarpaamillu iliuuseqarfiginissaannut toqqammavissiisariaqarpagut, isummatta aamma inuiaqatigiinni pitsaanerpaamik kinguneqartussalimmik suliatta inerneqarnissaatigut suliarissallugit.

AAMMA ATUARUK Kielsenip maligassiuisut qujassuteqarfigigai

Ilaqutariinnut politikkip eqqartorneqarnerani ilissi Inuit Ataqatigiinniit qanoq suleqataaffigerusussavisiuk?

- Ilaqutariinnut politikkiliortoqarnissaa taanna Inatsisartuninngaanniit ersarissumik iliuuseqarfigineqartussanik aalajangiunneqarnikuuvoq taannalu Naalakkersuisuninngaanniit massakkut ilusilersorneqarluni pivoq, tassanilu uagut qanimut suleqataanissarput aammalu peqataalluinnaqqissaarnissarput ilaqutariinnut ulluinnarni atugarissaarnerulernissaat aammalu oqinnerusumik ulluinnarni inuunerminni ingerlalernissaannik qulakkeerinnittussamik suleqataassaagut.

Inuit Ataqatigiinni siulittaasoq Múte Bourup Egede naliliilluni taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat