Assi: KNR

Siumut: Ukioq 2025 ammaalluni oqalugiaammi sammineqarpallaarpoq

Inatsisartut ukiaanerani ataatsimiinerat ammaanersiorlugu Naalakkersuisut siulittaasuata Kuupik Kleistip oqalugiarnerani Naalakkersuisut naalakkersuisunermi nalaani suliat killiiffiilu sammineqannginnerat illuatungiliuttut partiianni maqaasineqarput. Siunissami aamma ukioq 2025-ip tungaanut pisussat Naalakkersuisut siulittaasuata oqalugiarnermini piffissaq sivisooq atoraa Siumup siulittaasua Aleqa Hammond isumaqarpoq.

Naalakkersuisut siulittaasuat naalakkersuisuunermi nalaani, pingaartitat maannakkullu suliat killiffiillu pillugit oqalugiarnermini piffissaq sivisunerusoq atornerusariaqaraluaraa Siumumit oqaatigineqarpoq.

Aatsitassanik uran-imik akulinnik piiaanermi uran-ip akuata annerpaaffissaata 0,1 procentiunissaanik Siumup siunnersuutaa inatsisartut ukiaanerani ataatsimiinnnerani oqaluuserineqartusaavoq, taannalu Naalakkersuisut siulittaasuata oqalugiarnermini qitiutillugu saqummiuppaa.

- Inatsisartut ukiaanerani ataatsimiinnerat aallartillugu Naalakkersuisut siulittaasuata oqalugiarnermini, partiip aalajangersimasup siunnersuutaa qitiutillugu oqaaseqarmat nutaaliaavoq, Siumup siulittaasua Aleqa Hammond oqarpoq, taannalu neriuppoq naalakkersuisoqatigiit sulineranni pingaartinneqartoq.

Inuit Ataqatigiit Demokraatit Kattusseqatigiillu naalakkersuisoqatigiittut isumaqatigiissuteqarneranni tunaartarineqartut Atugarissaarneq akileraartarnerlu aamma assartuinermut ataatsimiititaliarsuit innersuussutaat naalakkersuisut siulittaasuata oqalugiarnerani maqaasineqarput.

- Ataatsimiititaliarsuarnit innersuussutit piviusunngortinnissaannut tunngasut Naalakkersuisut siulitaasuat oqalugiarami oqaaseqanngitsuungajappoq, Aleqa Hammond oqarpoq, aamma angallanneq pillugu assartuinermut ataatsimiititaliarsuup innersuussutaanik oqaaseqanngilluinnarnera, Aleqa Hammondip ippigaa.

Suliffeqarfiit Namminersorlutik Oqartussanit pigineqartut namminersortunngorsarneqarnissaannik Naalakkersuisut siullittaasuata oqalugiarnermini ilanngutinngimmagit inatsisartuni illuatungiliuttut partiaata aappaanit Atassummit  maluginiarneqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat