Assi: KNR

Siumut qinersisartunik inuusuttunik amigaateqartoq

Siumup qinersisartut utoqqaanerusut taavalu nunaqarfimmiut attaveqarfigilluarpai. Partii Naleraq inuussuttut illoqarfimmiut ornigarpaat Demokraatillu qinersisitaartorput. Epinionip, Danmarks Radio KNR-ilu sullillugit qinersisartunit paasiniaanerminit allaaserisaani tamanna atuarneqarsinanavoq.

Misissuineq inuit 731-it nunattsinni innutaasut assigiinngiiaassusianut naleqqiuneqarsinnaasut apersornerisigut pivoq.

 

Siumup qinersisartunut inuusuttunut attaveqarnera pitsaanerulersinnaarpasippoq. Taassami qinersisaasa 42 procentiinit amerlanerusut misissuineq naapertorlugu 56-it sinnerlugit ukioqarput.

 

Nutarternissaq pisariaqartoq
Atassutip ukiut 20-it matuma siorna taama inissinneranut assigissuteqartut politikerinik nalilisartup Daniel Thorleifsenip tikkuarpaa:

- Atassutikkut tassani oqaatigineqarput qinersisartui utoqqaanerusut, taavalu ukiut qulit 15-it qaangiuppata partii milliartulerumaartoq. Piviusup takutippaa taammaattoq. Daniel Thorleifsen taama oqarpoq nassuiaallunilu, Siumut nutarterluni inuusuttunit amerlanerusunit ornigaerneqalinngippat, partii milliarluinnalissasoq.

Taava aamma misissuinermi erseqqeqaaq, Siumup qinersisai nunaqarfimmiut taavalu Qaasuitsuip Kommunianeersut Kommune Kujallermiullu aalaakkaanerusut, illoqarfimmiut qiterpasissumilu kommunini marlunni qinersisartut Siumumut unammillernarenrullutik.

 

Partii Naleqqap isummaminnik ersisitsiniarnertik iluatsikkaat
Taavali Partii Naleraq illoqarfimmiunit inuusuttunit tigulluarneqarpoq.

Polikerit anguniakkaminnik innuttaasunut allanullu apuussisarnerannik immikkut ilisimasalik Inunnguaq Petrussen tikkuaavoq, Partii Naleraq assigiinngiiaartunik qinigassanngortitsinermigut qinersisartorparsuarnut saaffiginnittoq, taavalu aamma isummaminnik ersisitsiniarnertik iluatsillugu.  

Tassa naalakkersuinermut tunngasuungitsunik saqummiussisarlutik, soorlu qanoq ittunik atisalersornikkut, oqaloriaatsikkut oqanngikkaluarlunilu ilisarnalersitsisarnikkut.

- Hans Enoksen nalunnilarput, inuit nalunngilaat, aamma oqariattuutigisartagai taakku suusut nalunngilagut. Inunnguaq Petrussen taama oqarpoq qallunaatullu oqallinermi itisilerpaa, Hans Enoksen ilisarnaatilinnik saqqumiussillaqqissuusoq.

- Kalaallisuinnaq oqaluppoq, nunaqarfimmiuuvoq. Assimik takunikuuvunga, Hans Enoksen nannussimasoq. Kalalaaliunerusoqarsinaava? imigassartorneq ajorpoq pujortarneq ajorpoq. Oqarnaniluunniit kalaaliulluarnermut ilisarnaataalereerpoq, Inunnguaq Petrussen nassuiaavoq erseqqissaallunilu, ilisartartunik oqlunneq inuit malugilluartaraat.

 

Demokraatit nunaqarfinni qinersiseqalersut
Qinersisartunik misissuinerup aamma ersersippaa, Demokraatit illoqarfinniinnaanngitsoq qinersiseqalertut.

Epinionip isumasiuinera pillugu paasissutissat

  • Isumasiuineq Nunatsinni innuttaasut 731-t nalaatsornerinnakkut toqqakkat apersorneqarnerinik toqqammaveqarpoq.
  • Paasissutissanik katersuineq piffissami novembarip arfernanit 17-ianut ingerlanneqarpoq. Apersuisut marluinnik oqaaseqartuupput apersorneqartullu kalaallisut danskisulluunniit akissuteqarnissaminnut periarfissinneqarlutik. Apersorneqartut 87 %-ii kalaallisut akissuteqarput 13 %-illu danskisut akillutik.
  • Oqarasuaatit normui atorneqartut TelePostimit pissarsiarineqarput, tassaallutillu oqarasuaatit nalinginnaasut, angallattakkat aammalu Tusassillit normui.
  • Kisitsisitigut paasissutissat nangaanartoqassusiat  annerpaamik +/- 3,6 procentiuvoq.

Naja Paulsenip tikkuarpaa, taakkua allamik siuttoqalernera aalajangiisuusoq, siusinnerusukkut siulittasuusup naleqqiullugu Andreas Uldum kalaallisut oqalorinnerummat.

- Kalaallisut oqalunnerujussussut, imaappoq ataatsimut isigalugu nutaamik aqunneqalersimanerat aamma maluginiagassaavoq, inuusuttaqarluarlutillu, taamatut oqaatigisinnaagaanni.

Daniel Thorleifsen aamma Demokraatit nutaanik qinersiseqalersimasutut isikkoqarnerarpai, nunaqarfimmiunik amam qinersisissaqalersimammata.

Qinersisartunik misisuuineq naaapertorlugu, nunaqarfinnit qinersisut 7,6 procentii  Demokraatinik qinersissapput. Aamma Kommuni Kujallermi qinersisissaat Kommuneqarfik Sermersuumi qinersisissaatut amerlatigingajapput.

 

Qinersisartunik misissuinermi inernerusut nalorninartortoqalaarput, tassani inernerusut qinersinermi inerujumaaartunit 3,6 procent amerlanerusinnaallutit ikinnerusinnaallutilluunniit.

Misissuineq oqarasuaatikkut sianeqattaarnikkut pivoq, akisullu 87 procentii kalaallisut akipput 13 perocentiilu qallunaatut akiumasimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat