Siumut: Qinersinermi ajorsarneq annernarpoq
![](/sites/default/files/styles/image_934x467/public/article_images/aleqa2011_-_630_1.jpg?itok=_wpeIbNP)
Naak Siumut 2009-mi qinersinermi ajorsaraluartoq, illuatungiliuttutut inissisimaneq partiinut tamanut iluaqutaassasoq, Siumup siulittaasuata aamma oqaatigaa.
Maanna naalakkersuisoqatigiit politikkiat eqqarsaatigalugu siunissaq pillugu isumalluarpoq.
Partiillu immikkoortortaqarfii suleqatigilluarlugit innuttaasut qaninnerusumik suleqatigilerusuppai.
Nittartagaq aqqutigalugu tamanna ilaatigut aamma anguniarneqassaaq, assersuutigalugu Facebook aqqutigalugu innuttaasut qaninnerusumik suleqatiginiarneqarlutik.
- Aningaasallu allaatinut partiip ilisarnaataanik peqartunut atorneqaratik, immikkoortortaqarfinni sulisut pikkorissartinneqarnissaannut atorneqassapput, Aleqa Hammond ilaatigut oqarpoq.
Siumup siulersuisuuneri nutaat ullumi qinerneqarput, soorlu aamma Aleqa Hammond siulittaasutut ingerlaqqittoq.