Siumut oktobarip 18-iani immikkut ittumik ataatsimeersuassaaq
- Ulluinnarni aqutsisut ataatsimeereerluta inassuteqaatigaarput, Siumut nuna tamakkerlugu ataatsimeersuassasoq oktobarip 18-anni. Tamannalu pissaaq Nuummi, Karl-Kristian Kruse oqarpoq.
AAMMA ATUARUK Kielsen Siumut siulittaasussaatut sassarpoq
Karl-Kristian Krusep aamma oqaatigaa, ataatsimeersuarnermi siulittaasussarsiornermi qineqqusaartut maanna aallartilluareersut.
Jørgen Wæver Johansenip siulittaasussatut sassassanerluni eqqarsaatigeqqaarusuppaa
Siumup siulittaasorisimasaata, Aleqa Hammondip, tunuarnerata kinguneranik Siumumi siulittaasuugallartutut toqqarneqartoq, Jørgen Wæver Johansen, Siumup siulittaasussaatut qiningassanngortissanersoq, Karl-Kristian Krusep ima oqaaseqarfigaa.
AAMMA ATUARUK Doris Jakobsen Siumumi siulittaasunngorusuppoq
- Ataatsimiinnitsinni isuma tamanna pigalugu, Jørgen Wæver Johansenip oqaatigaa eqqarsarfissinneqarnissaminik imminut periarfissinneqassalluni, Siumup siulersuisuunerigallagaanni siulittaasup tullia, Karl-Kristian Kruse taama oqarpoq.
