Doris Jakobsen Siumumi siulittaasunngorusuppoq
Aleqa Hammond Siumumi siulittaasutut ippassaq tunuarniuteqariartoq, Doris Jakobsen Siumumi siulittaasussatut sassarnissaminut piareersimalluni nalunaaruteqarpoq.
Allattoq Simon Uldum -
oktobarip 02-at 2014 07:14
Ukiuni aqqaneq marlunni politikkimi qinikkatut: Inatsisartuni, Naalakkersuisuni, kommunemi 2. viceborgmesteritut Folketingemilu misilittakkat tamaasa annertuut pigereerlugit kiisalu kattuffinni siulittaasuuneq ukiuni arlalinni misilittagaqarfingereerlugu.
- Qinersisartunik kaammattorneqartuarnera tunngavigalugit minnerunngitsumillu nammineq piumassusera najoqqutaralugit tunuarsimaarnianngilanga Siumup siulittaasussaatut sassarnissannut partiitta inuiaqatigiillu pisariaqartippannga, Doris Jakobsen tusagassiorfinnut nalunaaruteqarluni taama allappoq.
