Siumut ajugaaqqatupput – Demokraatit siuariarput – Partii Naleraq qinerneqarluarpoq
Taamaalilluni partiip siulittaasortaata Kim Kielsenip partii Aleqa Hammondimit ingerlateqqippaa, Sara Olsvigip Inuit Ataqatigiillu Siumut siulittaasorisimasaata nunatta aningaasaataanik atornerluisimanera atorluanngitsoorpaat.
Siumulli 8,6 procentimik qinersineq kingullermit kinguariarpoq, taamaakkaluartorli suli partiini anginerpaajupput 34,4 procentinit qinerneqarlutik.
Inuit Ataqatigiit qinersisartut 33,2 procentiisa qinerpaat, qinersineq kingullermit 1,3 procentimik kinguariarnerulluni.
Demokraatit qinerneqarluarnertik persuarsiutigisinnaavaat qinersisartut 11,8 procentiisa qinermassuk – qinersineq kingullermit 5,6 procentimik siuariarlutik. Hans Enoksenillu parteertaava Partii Naleraq Inatsisartunut isertitaqarluarluni qinersisartut 11,6 procentiisa qinerpaat.
Atassut qinersinermit kingullermit 1,6 procentimik kinguariarpoq, qinersisartut 6,5 procentiisa qinermassuk, Partii Inuillu qinersinermit kingullermit 4,8 procentimik kinguariarlutik qinersisartut 1,6 procentiisa qinerpaat.
