Berthelsen: Siumumi oqalliserujussuarnissarput pingaartupilorujussuuvoq
Tapersersuinerli qaangiussinnaavoq.
- Kim Kielsenip Siumumi siulittaasuuginnarnissaa isumaqarpusi?
- Kim Kielsen massakkut Siumumi siulittaasuuvoq aamma isumaqarpunga eqqissilluni naalakkersuisoqatigisinnaasaminik ujarlernissaanut periarfissinneqartariaqartoq, Gruppip siulittaasoq oqarpoq. Taassuma siulittaasumilu Inatsisartuni Siumup, Atassutip Nunatta Qitornaasalu saniatigut amerlanerussusiisussanik Naalakkersuisoqatissarsiornera utaqqeqqaarniarpaa.
AAMMA ATUARUK Løkkemut isumaqatigiissut Erik Jensenip Naalakkersuisuni taperserumanngikkaa
AAMMA ATUARUK Siumumi avissaartuuttoqanngilaq
- Tassa allatut maannamut eqqarsaateqanngilagut piffissap aggersup takutikkumaarpaa qanoq pinersoq. Kisianni Siumup iluani oqalliserujussuarnissarput pingaartupilorujussuuvoq.
Kim Kielsenilli mittarfiliortiternissamut Danmarkimut isumaqatigiissusiornermini peqataatitsinerusinnaagaluarnerarlugu Hermann Berthelsenip isornartorsiuinini attatiinnarpaa.
- Kim Kileseni imaluunniit Naalakkersuisut allat peqataatitsinerusinnaagaluarput taamaalilluta aaliangernissatsinnut toqqammavissaqarluarniassagatta, eqqoriaanata.
AAMMA ATUARUK Partii Naleraq Naalakkersuisooqatigiinnit peqataajunnaartoq
AAMMA ATUARUK Løkke Nuummi Ilulissanilu mittarfinnik piginneqataarusuttoq
Isumaqatigiissutaasimasulli kingunerisinnaasai paasilluaqqaartinnagit isummerumanngilaq.
- Paasissutissaasinnaasut tamaasa paaseriarlugit taava isummernissarput qularinngilara eqqortumik isummernerujumaartoq, Hermann Berthelsen oqarpoq.
