Siumumeersup allap akitsuutinik qaffaaniarneq akerleraa

Siumut Inatsisartuni ilaasortaq Suka K. Frederiksen isornartorsiuisunut maanna akuliuppoq, orsussamut akitsuutip qaffanneqarnissaanut Naalakkersuisut siunnersuuteqarnerannut illuatungiliulluni.

Nunatta karsiata amigartoorfiunissaa eqqarsaatigalugu allatut ajornartumik iliuuseqartoqarnissaa pisariaqartoq, aaqqiissutaasinnaasunillu ujartuisoqartariaqartoq Siumut sinnerlugu Inatsisartuni ilaasortap paasisinnaalluarnerarpaa, aningaasarsiornikkullu aaqqissuusseqqinnerit kinguartinneqartarsimasut piviusunngortinneqarnissaat kissaatigalugu.

Aamma atuaruk Akitsuutinut qaffaanissamik siunnersuut isornarineqaqaaq

Orsussamulli akitsuusiisoqarnissaa Suka K. Frederiksenip tapersersunngilaa:

- Innuttaasut ilungersoreersut suli inuuniarnikkut ilungersornerunissaanik kinguneqartussaavoq, tamannalu Siumumiit politikkerinngilarput. Inuussutissarsiutit siuarsarniarneri aallartisarniarnerilu suli kigaannerulernissaat takorlooruminarpoq, akissarsianik qaffaanissaq piumasarineqalissaaq, assartuinermi akit qaffassapput il.il., Suka K. Frederiksen oqarpoq, nangillunilu:

- Oqitsumik sukkasuumik aaqqiissutissaqanngilaq, kisiannili innuttaasut sapinngisamik amerlanerpaat inooqataaffigisinnaasanik aningaasanut inatsimmik akuersinissaq pisariaqarpoq, Frederiksen oqarrpoq, aaqqiisoqarnissaanullu assigiinngistunik nammineq siunnersuusiorluni:

Soorlu: Tapiissutit tunniunneqartartut annikitsukkuutaarlugit ujaasiffigineqarsinnaanissaat, soorlu aamma siunnersortinut aningaasartuutit ikilineqarsinnaanissaat takorloorai, assersuutigalugulu aatsitassarsiorniarnerit allaffissornikkut sukkanerusumik kiffartuunneqartalernissaat takorlooraa.

Aamma atuaruk Akitsuutit qaffanneqartariaqanngillat 

Aamma atuaruk Sunoorsit 150 koruuneqalissapput