Akitsuutit qaffanneqartariaqanngillat

Nuummi innuttaasut radioavisimit oqaloqatigineqartut akitsuutit qaffanneqarnisaat isumaqatiginngilaat - Amerlanerit sulilernissaat Naalakkersuisut isumagisariaqarpaat allaffissornerlu annertoreeqqisoq annikillisinneqartariaqartoq taakkua isumaqarput.

Naalakkersuisut siunnersuutigaat, neqit avataanit eqqussorneqartut, tupat ikummatissallu
akitsuutaat qaffanneqassasut.   
Innuttaasut ilaat Nuummi Brugsenip savaani naapitatta akisuutit qaffanneqarnissaat ingasagivaat
akueriuminaatsillugulu.

- Akitsuutinik qaffaanerat akueriuminaatsippara  tamannalu ingattarsingajalluni pineruvoq, aqqusinermi naapitatta ilaat
taama oqarpoq, -  nunatsinni amerlapput  uumaqqatorlutik inuusunik, massakkullu qaffaaqqinnialerpata qanoq iliussanerpugut,
aqqusinermi naapitatta ilaat taama oqarpoq.

Kalaallit Nunaanni najugaqarluni akisoreerpoq akitsuutillu qaffanneqarpata SIK naapertorlugu akissarsialinnut eqquisassoq,
radioaviisimit naapitarput isumaqarpoq, -  SIK malillugu akissarsiaqartugut   akitsuutit qaffappata akissaqanngilagut  aamma kiasaarneq
qaffanneqarpat  aningaasaqarnerput ajornartorsiutigilissavarput.

Tallimanngormat radioaviisimi oqaluttuaraarput, sukuluut imaluunniit sunoorsit poortat ataatsit 100 kr-nik akitsussasut aamma orsussat
benziina aamma dielse liiterimut 45 øre-nik akitsussasut.

Læs også Sunoorsit 150 koruuneqalissapput


Akitsuutit qaffanneqassappata amerlanerit suliffissaannik suliniuteqarneq pimoorunneqartariaqartoq aqqusinermi naapitatta ilaat isumaqarpoq.
- Amerlanerusut sulilernisaat Naalakkersuisut isumagisariaqarpaat taakkuami akiitsui akilerneqassappata amerlanerit sulilertariaqarput,  
radioaviisimit naapitarput taama oqarpoq.

Nunatsinni allaffissorneq annertuallaartoq aqqusinermi naapitat ilaat  isumaqarpoq.

- Kalaallit Nunaanni allaffissorneq annertuallaartoq annikillisinneqartariaqarpoq innuttaasut 56.000 innaapput millionilikkaajunngilagut, radioaviisimit naapitat ilaat taama isumaqarpoq.

Aningaasaqarnermut Naalakkersuisoq Andreas Uldum akitsuutit qaffanneqarnissaat pillugu oqaaseqartinniarneqaraluarpoq tamannali iluatsissinnaasimanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat