Siulersuisunngortut aallarnisaasut amerlanerulernissaannut aqqutissiuissasut
Inuusuttut ilinniakkaminnik naammassisut amerlanerusut nutaaliorlutik aallartitsisalissapput. Pilersitsinermut aningaasaateqarfiup siulersuisuisa nutaat tamanna sulissutigissavaat.
Fonden for Entreprenørskab - Kalaallit Nunaata siulersuisut aqqaneq-marluk tamanut marlunngornermi saqqummiuppai. Aningaasaateqarfiup sulinera ukiumi kingullermi uninngasimasoq, siulersuisunngortulli suliat aallartiseqqissagaat aningaasaateqarfimmi pisortaq, Christian Vintergaard isumaqarpoq.
- Kalaallit meeqqat inuusuttullu amerlanersut angusinnaanissaannut ilinniartitsisullu amerlanerunissaannut kalaallillu ilinniarfiini pilersitsinerup aallartitsisarnerullu ilaalernissaata qulakkeernissaanut periarfissaqarpugut.
AAMMA ATUARUK Fond vil sikre flere grønlandske iværksættere
Piorsarsimassuseq allanngorniaraanni inuusuttunullu pilersitsisuunerup siunissami atorfiginissaanut aqqutissiuutiginiaraanni aallartiaartoqartariaqartoq pisortap erseqqissaatigaa.
- Meeqqat inuusuttullu pilersitsisuunerup aallartitsisuunerullu suunera paasiaarsinnaagunikku amerlanerusullu atuarfimminnut ilinniarfimminnullu takkuttarunik taava inersimasunngorunik tamatumanik suliaqalersinnaanerannut periarfissaqarnerussaaq.
AAMMA ATUARUK Inuusuttut aallarnisaasut nersornaaserneqartut
Siulersuit arlalinnik nuimasortaqartut
Siulersuisunngortut nutaat tassaapput kalaallit inuussutissarsiornikkut inuuniuteqartut ilinniarfeqarfinneersullu. Siulersuisunut qinerneqartut ilaat tassaavoq ilinniartitsisut peqatigiiffianni IMAK-imi pisortaq, Birthe Møller Therkildsen, iliuusissarlu tassunga ersarippoq.
Brian Buus Pedersen, Sulisitsisut
Anette Lings, Hotel Sisimiut
Julia Pars, Visit Greenland
Mikael Thinghuus, Royal Greenland
Thomas Tyt Mogensen, BankNordik
Sarah Rødgaard, Qaqortumi atuarfiup skoleinspektøria
Christian Wenneke, Greenland Business
Juliane Henningsen, Arctic Circle Business
Marie Fleischer, Mittarfeqarfiit
Jakob Nitter Sørensen, Air Greenland
Gitte Adler Reimer, Ilisimatusarfik
Birthe Møller Therkildsen, IMAK/ Ilinniartitsisut Meeqqat Atuarfianneersut Kattuffiat
Aningaasaateqarfiup assigiinngitsut marluk suliaqarfiginiarpai. Siulleq tassaavoq atuartut ilinniartullu sammisanik pilersaarusianillu suliaqarnissaq faginullu allanut periarfissaqarnissaq:
- Inuusuttut aallarniisuunissaq siunissami inersimasunngorunik kajumiffiginerulissagaat Fonden for Entreprenørskabimit neriuutigaarput, pisortaq, Christian Vintergaard oqarpoq.
AAMMA ATUARUK Sapaatip-akunnerata naanera aallarnisaaffiullunilu nutaanik isumassarsiorfik
Aningaasaqarfik Danmarkimi misilittagaqareersoq
Danmarkimi 2010-mi danskit naalakkersuisuisa pilersitsisuunermut ilinniarfimmut pilersaarutaat tunuliaqutaralugu ministereqarfinni assigiinngitsuni ministerit sisamat suleqatigiinneratigut Fonden for Entreprenørskab pilersinneqarpoq.
Kalaallinullu immikkoortortaani inuusuttut pilersitsinermut, suliassinneqartarnermut aallartitsisuunermullu piginnaasaat maannakkut siunissamilu toqqammavilernissaat siunertaavoq.
