Nunatta pilersitsisinnaasut amerlanerusut pisariaqartikkai
- Uagut siunertaraarput nutaaliorluni pilersitsisinnaassutsip siuarsarneqarnissaa aammalu ABC-miit PhD-mut pilersitsisinnaasunik amerlanerusumik pilersitsinissaq. Nunani allani misilittakkat takutippaat meeqqat inuusuttullu atuarnerminni nutaaliorluni aallarnisaasinnaassuseq misilittaaffigiliaarsimagaangamikku sunniuteqarnerusartoq – taamaaliornikkullu Kalaallit Nunaanni pilersitsisinnaasut amerlanerusut siunissami naatsorsuutigineqarsinnaassasut, Julie Rademacher tusagassiutinut allappoq.
Fonden for Entreprenørskanip ilinniartitsisut pilersitsisinnaanermik 2017-imi pikkorissartippai, Nuummilu aallarnisaaneq pillugu unammersuaartitsisoqarluni, tassani atuartut 4. Klassiminngaanniit 7./8. Klassimmgaanneersut, ilinniarnertuunngorniarfiit ilinniaqqiffiillu peqataapput.
Inuusuttut akornanni pilersitsisinnaanermik sammisaqarneq ukiup tulliani Sisimiunut siarartinneqassasoq, Julie Rademacher allappoq.
- Siunissami suliassatsinnut erinisuppugut aammalu meeqqat inuusuttullu sinnattuminnik piviusunngortitsisinnaanissaannut kaammattorusuppagut tamannalu inuiaqatigiinnut tamanut siuarsaaqataajumaarpoq. Massakkummi ineriartortitassagut naatissavagut, Entreprenørskabip immikkoortortaqarfimmi aqutsisua naggasiivoq.
