Sapaatip-akunnerata naanera aallarnisaaffiullunilu nutaanik isumassarsiorfik

Startup Greenland sapaatit akunnerani qaangiutilersumi Global Entrepreneurship Weekimik taasamik ingerlataqarpoq, aallarnisaasut qanoq ingerlariaqqinnissaminnut paasisaqarnerunissaannik aaqqissuussisoqarluni. GEW Startup Greenland Reunioneqartitsilluni Nuummi niuernermik ilinniarfimmi naggaserneqassaaq.
Allattoq Simon Uldum -
novembarip 22-at 2013 11:58

Sinerissami illoqarfinni assigiinngitsuni assingusunik aamma aaqqissuussisoqarsimavoq, aallarnisaasullu pitsaanerit aallarnisaasunik unammisitsinermut sapaatit akunnerata naanerani ingerlanneqartussamut qaaqquneqarsimapput. Tassanilu isumassarsiaminnik illoqarfiit pingaarnersaaneersunut unammissapput.

-Isumassarsiat pitsaasut sapaatit akunnerata naanerani misilerarnissaannut aallartisaanissamullu peqataasut pilersaarutiminnik nangitsinissaat qilanaarivarput. Inuussutissarsiornermut naalakkersuisup Jens Erik Kirkegaadip unammisitsineq ammassavaa, isumassarsiallu misilittarneqareerpata sapaatiuppat unnukkut akissarsitsissalluni, inuussutissarsiornermut siunnersorti Sara Heilmann Greenland Businessimeersoq nassuiaavoq.

Sapaatit akunnerata naanerani aaqqissuussinermut kikkulluunniit peqataasinaapput. Aaqqissuussineq tallimanngornermi nal. 17.00 aallatissaaq ajugaasullu sapaatiuppat unnukkut akissarsitinneqarlutik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk